1880 Maule
Althabizkarko khantoria
An.
1
Deihadar bat erantzun da
Uskaldunen mendietan,
Etxeko jauna agertzen da
Jauziz bortha alhartzetan,
Behatzen da eta dio:
Zer dabila lur hoietan?
Haren txakurrak lauhazkaz,
Lo zegoenak hoinetan,
Althabizkar unguriak
Iharrausten tu txanpetan.
2
Ibañetako gaintitik
Herots handi bat jaikiten,
Harmada batek dakharren
Burrunbotsa da huilantzen.
Karlomanen tropak dira
Iberiatik utzultzen;
Nefarroa menpeturik,
Ospetsu Frantzian sartzen.
Uskaldunak aitzinera
Mendiak gora multzotzen.
3
Heben dira! heben dira!
Oi! Zer lantzazko sasia!
Banderaz estalia da
Hurrunian lur guzia,
Zaldun eta hoinezkoen
Zer oste izigarria!
Haien harmek distiratzen
Mila tximisten argia.
Ikhusatzu, ikhusatzu,
Laster egizu, nausia.
4
Hainbeste direnez, haurra,
Khuntatzera hisei'adi.
Bat, biga, hirur, lau, bost, sei,
Zazpi, zortzi, bederatzi,
Hamar, hameka, hamabi,
Hamahirur, ta hamalau,
Hamabost eta hamasei,
Hamazazpi, hamazortzi,
Hemeretzi eta hogei,
Berrogei eta laurhogei.
5
Ehun eta mila milak
Lerroz lerro jiten dira.
Zonbat diren jakin nahiz
Gal genezake denbora.
Junta ditzagun indarrak,
Harroka horik athera,
Eta heldu direnian,
Mendi hoien hoinetara,
Ald'orotarik batian
Aurthik ditzegun gainera.
6
Ipharreko gizon horik
Zeren zaizku hunat jaitsi?
Bake bizi ginandian
Zeren zaizku gerlan hasi?
Harrokak jauziz erori,
Hezurrak karraskaz hautsi,
Odol balsan aragiak
Dardar phuskatan itsusi,
Horrelako sarraskirik
Ekhiak eztu ikhusi.
7
Oihu marrasken artetik
Arrolanen dei-hadarra,
Ozen eta intziritsu
Entzuten da hurrunera,
Mendiak gainti heltzen da
Karlomanen bihotzera.
Olifantak oihuzten deit
Ene llobaren herstura,
Goazkon laster, goazkon laster,
Egin dizogun heltura.
8
Ihes, ihes, Karlomanen
Hoinezko eta zaldunak!
Ihes ihaur, galdu dutuk
Karloman, tropa hobenak.
Hil duk Arrolan handia!
Huts egin deik zorthe hunak,
Mendietarik jaitsi tuk
Bitorius uskaldunak
Lantzez ehaiten ditie
Ondar ihesi doatzanak.
9
Hilak eztitazke khunta,
Bekhantu dira biziak.
Zoinen laster histu diren
Hoien ospe, balentiak!
Zer egin dira banderak
Eta lantzazko sasiak?
Ezta harmen tximistarik,
Odolez dira bustiak,
Nola ixiltu diradian
Goizeko herots handiak!
10
Haurra, zonbait diren xutik,
Khuntatzera hisei' adi.
Hogei dira, hemeretzi,
Hamazortzi, hamazazpi,
Hamasei dira, hamabost,
Hamalau, ez hamahirur,
Hamabi, orai hameka,
Hamar, bederatzi, zortzi,
Zazpi, sei, bost baizik ezta,
Laur dira, hirur, biga, bat.
11
Ezta bat xutik ageri,
Guziak etzanik dira,
Etxeko-jauna, joan zite
Txakurrarekin etxera,
Emaztiaren ta haurren
Gozoki besarkatzera,
Bitoriaz Jainkoari
Hekin esker emaitera,
Gero zure harmen gainen
Deskantsu lo egitera.
12
Gaian dira arranoak
Hurrunetik hor bilduko,
Hartz otsoekin nahasi
Khorpitz hil hoien jateko.
Mamiak laster dirade
Gure bistatik khentuko,
Bena hezur xuritiak
Bethikoz hor baratuko,
Nor beren etxian nausi
Utz dadin erakasteko.
a-a-a-a-a-o-ho-ho-ho-ho-ho!!!
iao! iao!