1879 Elizondo
Euskaldunen gauzik maitena
(Iru zortziko akrostiko)
An.
1
Erregerik txit goienak nola
Urre ta zilar argiyak,
Sartu dituzte gaiztakeriyan,
Kirasturikan koroiyak?...
Ah Euskaldunak! Nai dituzute
Lurreko ondasun txikiyak?
Doilorkeria litzake, izanik
Uts ezerezak guztiyak.
2
Noraino bada bear du igo
Euskalerriko jendeak?...
Nik esango det atsegin andiz,
Gure anai txit maiteak!
Adur eder da Ebro ibaien
Ur-bitarteko semeak,
Zerurontz, nola suba bear du
Igo, ausardiz beteak.
3
Ken grina txarrak: Jainkoa degu,
Maiterik-maiten lenengo,
Ark eman zigun Euskalerriya
Izandu bedi urrengo:
Toki gozo au Kristau-oituraz
Euskerarekin goiengo,
Nun-nai kantatu... aurrera ere
Au da garaitzail irtengo.