—1878 Sara—

Aldea eta ifrentzioa

M. Chango

            1

        Aldea

Nihun ote da lorerik

Ene maitiaren parerik?

        Haren begia,

        Zein den argia!

        Haren biloak

        Zirikuzkoak,

        Haren maxelak

        Xori hegalak,

        Haren besoak

        Kristailezkoak,

        Haren bularrak

        Elur molkoak.

Ez da zeruan izarrik

Ene maitiaren parerik.

            2

      Ifrentzioa

Maite baduk bipher beltxa,

Har zak laster hire neskatxa.

        Haren begiak

        Xilo gorriak,

        Haren biloak

        Astokarloak,

        Haren maxelak

        Kalotx gantzolak,

        Haren besoak

        Adar makoak

        Haren bularrak

        Larru piltxarrak.

Hire maitia, zer gauza!

Iduri dik marmalo beltza!