1876 Sara
Nere erriko gazteai
Jose Maria Iparragirre
1
Villarreal de Urretxu,
Nere erri maitea,
Seme bat emen dezu
Amorez betea.
Nai baina, nola ikusi?
Au da lan tristea!
Zuretzat nai det bizi,
Urretxu nerea.
2
Bi mila eta seiregun,
Legua badira,
Montebideotikan
Euskal errira.
Naiz ezperantzetan
Etorri bagera,
Aurreratasun gabe
Urtiak juan dira.
3
Bai nere adiskideak,
Bear da pentsatu,
Guretzat Amerikak
Nola dian mudadu.
Inork emen ezin du
Lanikan bilatu.
Orain datorrenari
Bear zaio damutu.
4
Gainera izan degu
Emen ere gerra,
Gure zorionean
Bakea egin da.
Baina gerrak ondoren
Dakar diktadura,
Don Lorenzo Latorre
Nagusi degula.
5
Ez bada, ez etorri,
Gaur lur onetara,
Il edo bizi obe da
Juatea Habanara.
Au da gure bandera
Espainaren honra,
Txurrukaren semeak
Ara juango gera.
6
Agur, adiskideak,
Ikusi artean,
Zuenganatuko naiz
Egunen batean.
Esperantzatan bizi
Nai det bitartean.
Gero ezurrak utzi
Nere lur maitean.