—1874 Sara—

Betiri-Sants

Gratien Adema "Zalduby"

                  1

Betiri Sanxeren berririk,

Aspaldi ez zen deus handirik,

Zioten ehortzi zutela bizirik,

        Lurpetik ilkhirik,

        (Ez duk ez irririk)

Munduz mundu herratua ibilirik,

Oraikotik ditu Betirik

Indarrak hartu guk utzirik,

Orai dago kargu handitan jarririk. (bis)

                  2

Betiri Sanx bai lehen ere

Zer zen ezaguturik gare,

Zer nahi miseria eta dolore,

        Denboraz hain pobre

        Orai zen podore!

Jainkorik ez dutenen enperadore,

Bethi gaixtaginen fagore

Bandera nahi den kolore,

Oraiko mende gisan bere du ohore (bis).

                  3

Betiri Sanx dago oihuka,

Biba, biba Errepublika!

Nahi ez duenari lephoa pika.

        Jendea dabilka

        Nahasiz trumilka

Umatua libertate ukhaldika

Jainkoa ukh-eta ostika,

Bainan Bettiri ez kitzika,

Aztaparra bezote denek milika (bis).

                  4

Lege munduko errexena

Omen da Betiri Sanxena,

Bethi haizu dela egin daitekena.

        Ahal gabe dena,

        Hark du hark hobena,

Indarrak du orai garhaitzen zuzena.

Kontzientziarik duena

Ez da bethi irabaz dunena.

Frikun adret bat orai nola kondena?(bis)

                  5

Betiri-Sanxtarren Jainkoa

Da mundu huntako gozoa,

Erlixione libro eta largoa,

        Aphez gabekoa,

        Erran gabe doha,

Gure xakhurrak dik hola holakoa.

Bizi huntarik ondokoa,

Zer daiten edo nolakoa,

Hortaz ez dute hanbat khexu gogoa.(bis)

                  6

Betiri Sanxen soldaduak,

Nun nahi dire nausituak,

Framazon, eskuaraz Harginbeltz deituak,

        Heien sekretua,

        Zin eta patuak,

Lurpeta ilhunbetan daude sarthuak,

Jainkorik ez nahiz munduak,

Hek ditu gidari hartuak:

Ez dik gaizki irri egiten debruak. (bis)

                  7

Betiri Sanxen haur guzia,

Ttikitik librorik haziak,

Adinik gabe zer nahi haziak,

        Bizioz gaindiak,

        Zein nardagarriak!

Onhestate-ta ahalkea utziak,

Deus onik ez egin nahiak,

Gormant bano eta nagiak,

Iretsiak dagozka deboxkeriak. (bis)

                  8

Betiri Sanxen zangoetan,

Oi zenbat dabiltzan herresta!

Eta zenbat den haren atzaparretan!

        Pobre-ta jaunetan,

        Gradu guzietan,

Hainitz dire hola sarthuak saretan.

Asko bizitze moduetan,

Jainkorik nahi ez denetan,

Betiri Sanx da nausitzen guzietan (bis).