1871 Sara
Artzain ona
An., "Senpertar bat"
1
Sarako bestetako prima emaileak
Gaitu bai gonbidatzen ematiaz bertsuak.
Hori onhesten duke artzainen artzainak,
Detzagun beraz altxa bozekin bihotzak.
2
Neure ofizioa da artzainarena,
Bertzietan bezala bada huntan phena,
Bakhotxak berea du segur hoberena,
Hortan zuzen ibiliz badu behar dena.
3
Neure arthaldea dut mendian alhatzen,
Hango nire biziak maiz nau hatzematen,
Munduko harrabotsei dut ihes egiten,
Eta inozentzia hala begiratzen.
4
Neure janharia da esne eta thalo,
Edaritzat baduket ithur-hatxa frango.
Ur hortarik edanez ez naiz hordituko,
Eta duket barnea fresko atxikiko.
5
Sarako mendietan kausitzen da Larrun,
Han errekontratzen dut zenbaitto ezagun,
Bertzenaz ardiekin Jainkoa dut lagun,
Kausitzen naizelakotz jendetarik urrun.
6
Neure bizia badut ardiek emanik,
Batean gasnetarik, bertzean iletik,
Nehorentzat ez dut nik inbidiarik.
Ongi bizi naiz eta zer da hobiagorik!
7
Daukadan arthaldean bada bildots onik,
Hek ongitto saltzeaz nik ez dut dudarik.
Haien hazkarria da belhar xarpotetik,
Hekien haragiak ez duk parerik.
8
Sosa dut aldaratzen ongi gobernatuz,
Ezik banabilazu bethi izpirituz,
Zenbaitto badabiltza gosez eta biluz
Zeren diren gormantak arim' eta gorputz.
0
Nik funski hartua dut bakhar egotea,
Ez da abilezia edozoin hartzea,
Hainitz gauza ona da bakian bizitzea,
Hola dut esperantza hil onduan zerua.