1871 Sara
Hiritarrak eta baserritarrak
Kantu berriak, Laphurdin Donibanen, emanak, Akotz Eskerrenian.
Jean Etchenic
Airea: Goizian goiz jeki ninduzun esposatzeko goizian
1
Urusak gaituk hiritarrak, jakintsun haundi baikare,
Eskolatuak garelakotz, langile pobriak ere.
Baserritarrek etzakitek gizon bearrek deusere.
Bertzek erranak iten tiztek kaltetan izanik ere.
2
Urguilutzarren gatik dituk kalte haundiak etortzen,
Zuen eskolaz hiritarrak sobera zaizte bantatzen.
Zer dela khasu gaitutzue baserritarrak mendratzen?
Zenbat abantail on duzue guk ez dugunik agertzen?
3
Argitzen gaituk hiritarrak khazeta eta liburuz,
Ikasteiagu asko gauza, hoiek ongi irakurtuz,
Zenbait legetan ez gaituk gu gidatzen bertzeren manuz,
Baserritarrak gaten zaizte, jaun aphezeri galdetuz.
4
Zenbait liburu eta khazet baituk ainitzen kaltetan,
Erlijione sainduaren galharazteko xedetan,
Hoiek pozoindaturik zaizte asaldatzen hirietan,
Baserritarrek eztiagu sinhesterik holakotan.
5
Asaldatzen gaituk hiritan arrazoin haundiarekin,
Eztiagu deusikan nahi asko lege hertsirekin,
Nahiago diagu bizi biba libertatiekin.
Baserritarrak ikaratzen zaizte aditziarekin.
6
Baseritarrek nahi diagu libertate zuzen ona,
Bainan ez lege injustuki maiz asaldatzen dena,
Bandera krudel ifame bat agertu nahi lukena,
Zenbait hiritarrek bihotzez desiratzen duzuena.
7
Baserritar gehienak zaizte betiak ilusionez,
Arras itsutuak zagozte, jakitatien eskasez,
Izpirituak xinpletuak, zenbait aphezen erranez,
Ez gaituk ez enganatzen du, jaun hoien elhe ederrez.