—1866 Sara—

 

Gizon gazte soldado zortean erorien animoa

 

Martin Darrupe

 

Airea: Xoriñoa kaiolan

 

            1

Eroriak zortean,

Ez da eskapatzerik,

Ez baitugu gorphutzean

Nehon ere tatxarik,

        Gare guanen

Soldado Napoleonen.

 

            2

Lege zahar garbiak,

Aiten aitek emanak,

Parti gaitezen guziak

Hautatuak garenak,

        Lorietan,

Ikhas dezagun harmetan.

 

            3

Ez dadiela nehor

Abia bertzetarat.

Bainan gogo onez ethor

Gurekin armadarat,

        Xede hori

Ez itzularaz nehori.

 

            4

Ez idek beharririk,

Kontseilari tzarreri,

Ez dugu nahi bertzerik;

Obedi legeari,

        Ez dezagun,

Etsayik gerorrek lagun.

 

            5

Orai gu eta gero,

Heldu diren gazteak,

Izan daitzela bero,

Obeditzen legeak,

        Frantziari,

Emagun etsenplu hori.

 

            6

Biba, biba, Frantzia,

Biba gure bandera,

Fidelki gaiten lehia,

Oraiko lege bera;

        Bethi dagon,

Biba, biba Napoleon.

 

            7

Xoriak primaderan,

Kantaz oihanetarik,

Alegera bihotzean

Negua pasaturik,

        Zer loriak,

Horra gure iduriak.

 

            8

Ethortzen garenean,

Gu ere armadatik,

Eskal herrian sartzean,

Nork bara kantatzetik

        Bozkarioz

Orai goazen amodioz.

 

 

 

 


Anton Abbadiaren Koplarien Guduak

 


www.susa-literatura.eus