—1864 Sara—

 

Makila

 

Landeztoy "Donapaleuko xantrea"

 

              1

Eskaldunen loria

Ene pertsuen saria

Makila banu berria!

Gizon akhitu gogo-denari

Etzaiko erhokeria

Makila baten tirria,

Zeren den maiz eroria

Eskatzen du sokorria.

 

              2

Nahiz dudan ezagutzen

Egun guziez frogatzen

Janez indarrak berritzen,

Zahartzearen lege gogorra

Muthiriki dut sentitzen,

Zentzuak zaizkit tontotzen

Ixta-zainak ikharatzen,

Makilak nau sostengatzen.

 

              3

Zerbitzatzen nau urririk,

Ez du onhesten mainari,

Sasoin oroz da barurik

Etxean edo ostatuetan

Ez du galdatzen gortherik,

Zokhoan dago bakharrik,

Gau guzian atzarririk

Phartitzeko xutiturik.

 

              4

Makila lagun bidean

Badoha ene parrean,

Leialki ene menean,

Poxolu, lanjer eta etsaiak

Sentitzen dituenean,

Ematen nau gibelean,

Guziak ditu batean

Laster hedatzen lurrean.

 

              5

Eskolarik ez du hartu

Nausirik ez du behartu,

Zeren den jakinik sorthu,

Osasun on batez iduri du.

Behar duela gozatu,

Bethi lerdenik zahartu,

Gaitzik ez du ezagutu,

Medikurik ez da boztu.

 

              6

Gaur gero ene makila,

Zu zare nere muthila,

Pelegrin lagun ixila,

Nik zu idukiz, zuk ni bermatuz,

Aski xuxen banabila.

Oi zerbitzari umila!

Banu hautatzeko mila

Ez niro bertzerik bilha.

 

 

 

 


Anton Abbadiaren Koplarien Guduak

 


www.susa-literatura.eus