—1864 Sara—

Xoxo mokho beltxa

Martin Arrupe

Airea: Nigar marrasketan...

          1

Munduan guziak

Ez gare higualak,

Jaunari graziak.

Baditugu hegalak,

Bainan ezin ibil

Orai ni airean,

Hemen nago, humel,

Ene ohatzean.

          2

Gazte eta libro,

Egon nintekelarik,

Ez nuen oraino

Halako lan beharrik;

Bainan ez sinhesten

Amaren errana,

Berak ongi lehen

Frogatu zuena.

          3

Mokho hori hautan

Fidaturikan sobra,

Orai urrikitan

Egin ondoan obra,

Banaki bederen,

Bi, hirur, lauretan,

Parte duna zoin den,

Ene arroltzetan.

          4

Lehen zoin lehenka,

Heldu ziren guziak,

Ni ganik iheska,

Orai dire hasiak,

Xoxo mokho beltxa,

Ni naiz orai hula,

Munduan neskatxa

Zenbait den bezala.