1863 Urruña
Heskualdun gaztia soldado johan
Darrigol
1
Aita ama maitiak behar niz urrundu,
Frantziak gaztierri oihu bat egin du,
Laguntzaren gutarik orai beharra du,
Heskualdun bat lasterrez bere ukhanen du.
2
Zuekin erabili egun gozuenak,
Ez ditut ahantziren ukhan tudan mainak,
Nahi bezin urrundik, aita ama onak,
Zuentzat erranen tut othoitz hoberenak.
3
Zer dolhamen handiek nauten hala zaurtzen.
Ene haurbide onak orai ditut uzten,
Zuekilan nintuen zorionak hartzen
Eta egun guziak laburzki igaiten.
4
Utziko duta bada ene sor tokia?
Hemen urthe anitzez ukhan dut bakia,
Hau izanen da bethi herri bat maitia,
Ene bihotzarentzat lekhu hautetsia.
5
Hegaldatu denian xoria bolatzen,
Orduan da orduan biziaz gozatzen,
Nik nuen harren pare hasten ezagutzen
Lurreko izaitia enetako zer zen.
6
Halere nuzu bethi huntaz orhoituko
Ene odola dela Frantziaren dako,
Hura mintzatu eta dizut sinhetsiko,
Ez nuzu lotsaturen etxetik jauteko.(sic)
7
Besarka zitzatedan zatozte aldera,
Junta gaiten bihotzez, noha urruntzera,
Toki hautarat gogoaz zuen ikhustera.
Jinen nuzu segurki maitiak ardura.
8
Jainkoak hedaturik atxikiz hegala
Zuen gorputz maitiak begira ditzala,
Untzi bat ur eztian johan den bezala,
Hala zuen egunak luzaz dohatzila.