1860 Urruña
Xori ohatzea
Jean Baptiste Larralde
1
Haurra, zer ari zare,
Sasian sorthua,
Progotxurikan gabe,
Lapharrek zaurthua?
Amak bere umendako
Luze egin egoitza,
Atseginez hausteko
Non duzu bihotza?
2
Adi zazu nigarrez
Xori gaixo hori,
Umeak har beldurrez.
Oihuz dago zuri,
Ama bat baduzula
Othoi, orhoit zaite,
Eta deus ez duela
Zu bezenbat maite.
3
Zertako nahi duzu
Guziz, alferretan
Dolu mina hedatu
Oihan guzietan?
Dolu gose bagare
Helas! naturalki
Geronek deithu gabe
Nork ez du bada aski?
4
Bainan, barne gabea,
Hots zure lanari!
Zer da bada galtzea,
Diozu, lau xori?
Bihotzak ez badautzu
Erran: bai, gaizki da!
Amari galde zozu,
Doluz hil ez bada!
5
Munduan, deusik egin,
Gizon, ez dukana,
Ez bederen desegin
Jaunak egin lana;
Egilea, bakharrik,
Duk gauzen nagusi,
Ez dukala dretxorik
Behar duk onhetsi.
6
Jaunak eman lekhua
Gauza guzieri
Ungi da hautatua,
Ez deus handik higi,
Utzi, beraz, loreak
Beren baratzetan,
Xorien ohatzeak
Utzi sasietan.