1860 Urruña
Petxe batek nahi du
Jean Martin Hiribarren "Menditarrak"
1
Petxe batek nahi du
Pariserat partitu,
Plazer badugu hautatu
Guretzat deputatu,
Gure bozen galdez dago
Kargu horren hartzeko.
2
Petxe horrek omen du
Zaku bat lege berri,
Gauza direnak makhurtu
Moldatzeko xuxenki,
Azpikuaz goiti nahi tu
Oro betan itzuli.
3
Sehi dena nagusi,
Ikustera omen guazi,
Bordariak ere burjes,
Petxe jaunaren legez
Aberatsen onthasunak
Probendako guziak.
4
Kafe, likurrak merke,
Izan dadin edale,
Kasik urririk tabakua,
Pipatzalen gostukua,
Inposetik arnua libro,
Zorraz ere bai kito.
5
Dela gizon leiala
Jakintsun et'abila,
Heskualdunen iguzkia,
Frantziaren argia,
Orotan da publikatu,
Petxek berak erran du.
6
Espantu handi hotan
Ez gitezen konfida,
Nik oraiko denboretan
Kausitzen dut ardura,
Xarlatanen botigetan
Marxandiza tronpurra.
7
Gauzen hol'ezartzeko
Behar dira moianak.
Usaiaren sanjatzeko,
Kanbiatzeko legiak,
Ez dira segur askiko
Petxe horren ahalak.