—1860 Urruña—

Biarritze

Joanes Etcheto

        1

Biarritze

Datza fagoratua,

Donijuane

Kuraieztatua,

Eskual herri dira

Famatuak dira.

Enperadorea

Hauietaz da hartua.

        2

Frantziaren

Aintzindari handia!

Eskaldunen

Bonur-egilia

Jainkuaz hautatua,

Hortaz lagundua,

Orok behar dugu

Batean ezagutu,

Bozak errepikatu,

Ahal guziez gora altxatu.

        3

Aintzindari

Hunen presentzia da

Segur guri

Agradatzen dena.

Hunek egin ona

Bai eta fagoria

Herri hautan dira,

Present bat bai handia,

Ezin estimatua,

Ez daite sekulan aski lauda.

        4

Izatu den

Herri toki orotan,

Da ikhusten

Emaitza onetan

Eta agintzetan

Gure intresetan.

Hainitz daite erran

Ait'on batian holakuan!

Bethi ongia goguan

Bere azpikoen fagoretan.

        5

Eskual Herri

Gizen eta xarmanta

Orai zuri

Buruz da fortuna.

Zure jabe ona

Hemen duzu jina,

Bai Eskual herria

Hainitz da altxatua,

Jabeaz maitatua,

Ez diro falta ongi jartzea.

        6

Donijanen

Egiten bada barra,

Herri hauien

Aberaskua bada.

Komers eginen da,

Estranjer jinen da.

Bai hori segura,

Hauien fagoretan da

Barraren izatea

Langilearen enplegatzea.

        7

Langiletan

Hainitzak geldi daude

Alferretan

Galdegiten dute.

Lana nahi dute,

Lanikan ez dute.

Hainitz pena suerte

Hauiek sofritzen dute.

Ahalki bizi dire

Hauien estatua erran ez daite.

        8

Diot beraz,

Barra egiten bada,

Langileaz

Enplegua bada,

Gauza salduko da.

Diru eginen da.

Hainitzez jendea

Hobeki izanen da

Bai kuraieztatua

Guziez ongi sariztatua.