—1860 Urruña—

Haur ongi prestua

Joanes Etcheto

              1

Munduan ez da parerik

Haur ongi prestuarenik,

Garnitua da gozoaz

Bisaia noblearenaz

Izarra du hak iduri,

Hain da bai liluragarri.

              2

Humiltasunez bethea

Maite du obeditzea,

Eztitasunez jauntzia,

Bai osoki da dultzia.

Hau zoin den xarmangarria

Neke da bai erraitia.

              3

Konponzionia du partaia,

Nork eman aski honura!

Graziaz da bestitua

Jainkuaz benedikatua.

Ez da bakerik hain onik

Ez arrimurik hoberik.

              4

Ait'amez da behatua,

Bozkarioz altxatua,

Eiten du heien plazera,

Bai eta ere bonurra,

Ez da urusitaterik

Huni konparatzekorik.

              5

Jin denean adinetan

Emana da eskoletan,

Han fite lakhetua da,

Guziez maitatua da,

Ezik bisaia noblea

Hola ohi da ardura.

              6

Eskola hortan haur hori

Da guzien xarmegarri,

Bere etsenplu ederraz

Bai eta karitateaz

Eiten du ongi handia,

Ez daite aski prezia.

              7

Seme hain distingatua,

Da sujet estimatua.

Holakuentzat dire plazak,

Bereziki ohorezkuak.

Gobernu bat holakozkua

Ez daite baizen onezkua.