—1859 Urruña—

 

Sebastopolgo gerla...

 

Joanes Etcheto

 

            1

Sebastopolgo gerlaren

Ondotik da Italiakua.

Frantziako armadaren

Sekulakotzat altxatzekua.

 

Refreina:

Biba, Biba Enperadorea,

Bai eta seme printzea.

Dezogun batian egin gorthea:

        Hau da gure jabea.

 

            2

Krimeko joitiaren fama

Europan bai hedatua da.

Frantses armadaren harma

Bai Rusian aiphatua da.

        Biba, biba...

 

            3

Montebeleko jokhada

Jokhadetan da handiena,

Han da bai frantses armada

Erakutsi kuraiosena.

        Biba, biba...

 

            4

Bai Tagenteko jokhada

Italian da bigarrena.

Han frantses jenerala da

Ezagutu baliosena.

        Biba, biba...

 

            5

Tagentetikan Mincio,

Minciotikan Solferino;

Hauk hartu dire khario.

Xahutu da han giristino.

        Biba, biba...

 

            6

Bai beraz frantses armada

Biktorios da atheratu.

Hainitz konbatatu bada,

Hainitzez behar da altxatu.

        Biba, biba...

 

            7

Autrixiako armadak

Ezagutu du bai nausia.

Frantses armadaren harmak

Lotsatu du segur guzia.

        Biba, biba...

 

            8

Gure jabearen gloria

Glorietan handiena da.

Hark egin duen onkia

Guk ezin estimatua da.

        Biba, biba...

 

            9

Inperatrizaren kharra

Errientguan da bai agertu.

Oi kolpatuen beharra

Handizki du bai ezagutu.

        Biba, biba...

 

            10

Gerla horren iraupena,

Ez da ez luzea izatu,

Ainzidariaren plana

Segur ongi da baliatu.

        Biba, biba...

 

            11

Azkenian beraz bakea,

Bi buruek dute sinatu.

Odolaren ixurtzea

Segur laster dute gelditu.

        Biba, biba...

 

            12

Orai Frantziako phestak

Phestetan handienak dire.

Bai jo detzagun tronpetak:

Oro alegrantzian dire.

        Biba, biba...

 

            13

Bake hori egina da

Italiaren fagoretan.

Hortan irakhutsia da

Zer den gure jabia obretan.

        Biba, biba...

 

            14

Famila inperiala

Bai zeruaz manatua da.

Segituz haren eskola

Gure bonurra egina da.

        Biba, biba...

 

 

 

 


Anton Abbadiaren Koplarien Guduak

 


www.susa-literatura.eus