—1859 Urruña—

Izatu naiz Amikozen

Joanes Etcheto

              1

Izatu naiz Amikozen

Zuberoko aldean.

Pasatu Baxenabarren,

Baigorri zelaiean.

Diferentak tut kausitzen

Gizonak thalenduan,

Lehen klasan tut ezartzen

Laphurtarren artean.

              2

Laphurtarraz mintzatzeko,

Emanen diot zor dena.

Egiazki erraiteko,

Antzetsua da dena.

Sanhoa konpainietan.

Ez da ez nabarmena.

Bere hartze ematetan

Osoki da zuzena.

              3

Laphurdiko kapitala

Kausitzen da Baiona.

Hiri hortan badabila

Berthutiaren usaina.

Goaten bainaiz Donijuanen:

Zor diotet fama ona.

Pasatuko naiz Urruñen.

Hainitz da jende ona.

              4

Urruñetik Senperera

Ez da bide luzea.

Bai hauk biak onak dira.

Zoin othe da hobea?

Famatuak eremuan

Lurra hainitz ona da.

Sartzen banaiz oihanean,

Senperekua naisi da.

              5

Kobla bat emanen diotet

Hazparneko hauteri,

Zeren hori zor baitiotet

Eginbidian sari.

Herri hautan tut ezartzen

Bertsutan buruzagi,

Bainan ez naiz engaiatzen

Hartziaz hek argizagi.

              6

Izatu naiz Uztaritzen,

Bai eta Ezpeletan,

Bertsulari tut kausitzen,

Bi herri horietan.

Goaten banaiz Sararaino,

Han naiz bai abiletan,

Bainan nausi da oraino

Espainola titxuetan.

              7

Donijuanen-ta Urruñan

Egiten dire phestak.

Biga ditut hatzemanen

Segurki inozentak.

Bata da bertsuetakua,

Bertzia ureko jokua.

Bainan da bertsuetakua

Handizki laudatzekua.

              8

Urruñeko herrian dut

Jaun on bat distingatzen.

Neure begiz ikhusi dut

Kantua sariztatzen.

Bertzeri irakhusten du

Etsenpluez mintzatzen.

Fortuna onaz ere du

Usai-ona egiten.