1859 Urruña
Madalenari
Lemarque semea
1
Hamahiru pertsu berri
Noha kantatzerat
Neskatxa miragarri
Baten laudatzerat.
Bozkarioz lorietan
Noha mintzatzerat
Eskal-herri denetan
Ihardukitzerat.
2
Neskatxa gazte bat da
Bidarten xarmanta,
Osoki ederra da
Eta eleganta.
Ungi mintzaria da
Hainitz elokanta
Manera guziez da
Arras atraianta.
3
Zu zare, Madalena,
Bidarteko izarra,
Xuriago zarena
Ezen ez elhurra.
Diztiatzen duzuna
Itsaso bazterra
Nobleki zabiltzana
Herrian bakharra.
4
Infinituki eztia
Da zure bisaia
Eta duen airea
Graziaz bethea
Oi zeinen den loria
Zure ikustea
Erraten dut egia
Izar miragarria.
5
Zure begi eztiak
Erdiz-erdi zerratuz
Errespetuki jautsiak
Modeski behatuz,
Zure manerak nobleak,
Bethi emendatuz
Badohazi guziak
Aintzinara doblatuz.
6
Zu zare hainitz piusa,
Arras merbeilusa,
Eskal-herriko arrosa
Hainitz preziosa.
Arras injeniosa
Zare industriosa
Obratzaile kopiusa,
Hainitz baliosa.
7
Zu zare guzietan
Hainitz dakizuna,
Presuna zerebrotan
Pasa zintekena,
Behar bada gorthetan
Hedatuko dena
Denbora guzietan
Zure aiphamena.
8
Pelopen alaba da
Orai grazian dena
Munduko emerauda
Perla xarmantena,
Lurrean botherez da
Bertzek aintzin dena
Bertze nihun zutaz landa
Parerik ez duena.
9
Zuk errexki pasatzen
Haren botherea
Aintzinara doblatzen
Haren berthutea,
Zuk errepresentatzen
Atrofa lorea
Eta nunahi hedatzen
Saphirra airea.
10
Izar urus baten pean
Zare errekontratu
Mundurat etortzean
Arraioz klaritu,
Zaitu orai artean
Bethi kontserbatu
Mundutik partitzean
Doluturen zaitu.
11
Jainko onak behin ere
Ez zaitu utziko
Prestu baduzu ere
Fidel zerbitzatuko.
Hark ez gaitu gu ere
Sekulan utziko
Munduan bethi bagare
Ungi gobernatuko.
12
Orai arte beneratu
Zaitut errespetuki
Eta ungi mintzatu
Ahal beizen oneski
Bai ere lorifikatu
Behar beizen goraki
Nihor ez dut laudatu
Zu beizen nobleki.
13
Kantu hunen medioz
Segur naiz etzaren
Enetzat abertsioz
Gaizki mintzaturen.
Oi zeren amodioz
Bethi maitaturen
Baitzaitut laudorioz
Bethi inguraturen.