—1859 Urruña—

Espainol baten tratua

Joanes Oxalde

Airea: Nork nahi zer nahi den erranikan ere

                      1

Tratu eder bat zauku Lapurdin suertatu

Zertaz den nahi dugu zuzen kondatu,

Bi eskualdun baitira elgarri juntatu,

        Eta abiatu,

        Egitera tratu,

        Bai eta zerratu,

Idi zaharra dute mulan trukatu.

                      2

Espainol batek zuben athera idia,

Etzularik hainitz airos begia,

Noiz eroria othe zen baitzagon guardia,

        Haren errabia,

        Etzagon ttipia,

        Zer pena handia,

Lehen bai lehen zuen khendu nahia.

                      3

Frantses baten ganik truk hartzen du mandua,

Orduan deskantsatu haren gogua,

Kaprestutik harturik, bistatik badua

        Etzen dolutua,

        Eginik tratua,

        Halako fruitua

Batere ez du galdegin non zen sorthua.

                      4

Etxera denian dio bere andreari,

Othoi, begira zozu nere mulari,

Tailaz eta guziez hain da xarmagarri,

        Nere mando hori,

        Begia du larri,

        Estomaka lodi,

Goguak emaiten daut dela ernari.

                      5

Andriak erreposta, irria farretan,

Niri bezik ez konda, othoi, bertzetan,

Ongi arrima zazu lehenik ferretan

        Emaiteko errentan,

        Goizuetako mentan,

        Lagunekin tropan,

Bakharrik jan liote belek errekan.

                      6

Halaxe, Manuelek, erraiten goguan,

Zenbat dohakabea haizen munduan,

Arranuen pazkaz duk heldu den neguan;

        Emanen oluan,

        Ez janen gostuan,

        Ez baitzen trenpuan

Hortz hagin bihirikan ez dik ahuan.

                      7

Frantses pikaro horrek sarthu dauk ziria,

Ongi zorrozturikan berri berria,

Ez dik tatxa gabia berorren idia,

        Laneko nagia,

        Bethi eroria,

        Onxe haragia,

Xoriz betherik dauka zintzur guzia.

                      8

Mehe balinbadago, ona duk jateko,

Aldiz nere mandua ez deusetako,

Horren behar bakharra nere laguntzeko,

        Haurren jostatzeko,

        Ez duk deusetako,

        Ez on bertzetako,

Ferrak khenduz geroztik zakurrendako.

                      9

Zertako duk horrela idia trukatu

Tratu txar bat eginik baitzauk dolutu,

Ongi behar hituen begiak argitu,

        Bai eta miratu,

        Orai ez probetxu,

        Hauxe zauk gertatu,

Demonio horrek hau zakuan sarthu.