1859 Urruña
Diru banu
Mendiboure "Laphurtarra"
Airea: Ai! ai! zer egin zait niri?
1
Ai, aberatsa banintz ni! (bis)
Segur nindaite gizon handi (bis)
Guziak adiskide,
Ustekabez ahaide,
Hanitz agur emaile,
Ohore, lausengu banuke,
Diru banu, jaun bat nindaite! (bis)
2
Diru duenak sakelan
Izpiritu hanitz buruan;
Banuke jakitate,
Mintzatzen banakike;
Orok erran lirote
Ez dela ni bezalakorik!
Moltsa banu diruz beterik!
3
Jaun Erretora, egun on!
Bai zuri ere, Mur de Santson.
Zato barazkaitera,
Othoi, gure etxera,
Aphur bat jostatzera:
Egidazu egun atsegin,
Laket dut gizon prestuekin.
4
Orotarik (diru banu)
Heldu lakiket konplimendu,
Nik parerik ez nuke,
Herrian orok maite;
Eta galdatu gabe
Laster izenda nintzakete
Edo juje edo alkate!