1859 Urruña
Huna ni gerlaria
M./ LGC.
1
Betbetan gure mendian
Altxatu gazteria,
Etsaia zeren Italian
Omen den sarthu nahia
Nihun malxurrik denian
Laster harat Frantzia.
2
Adios zonbait egunen
Oi, arreba maitia!
Lagunak han et ni hemen!
Zerk nauka gibelatia?
Auhenetan zoin trixte den
Arrebaren uztia.
3
Oihanian alegera
Hazten uso paluma
Jan edanak zaizko sobera
Galduz geroztik laguna.
Trixte goizetik atsera
Dabila hara huna.
4
Gerlariaren ganbaran
Ainguru bat aguspez
Zeriari gerla denboran
Grazia bat dago galdez
Nik phentsu zer duten erran
Ainguriak nigarrez.
5
Hoita bortz aitamen haurrak
Gerlan hantxe baratu
Adin lilian herioak
Zorrozki bereganatu
Aitamen egun xaharrak
Zerk behar kontsolatu?
6
Napoleon Italian
Armaden aitzindari
Lorioski du bitorian
Agur egin etsaiari,
Eder suiaren erdian
Bakian miragarri.
7
Huna ni jin berheala
Huna ni gerlaria
Kuraiez emanik odola
Libraturik Italia.
Zu beldur galdu nintzala,
Oi, arreba maitia!
8
Biak biharamunian
Goizian goiz argiko,
Elizan elgarren aldian,
Othoitzian belhauriko
Hek bethi behar ordian
Zeriak onhetsiko.