1858 Urruña
O Gernikako haritz
An.
Airea: Gernikako zuhaitza
1
O Gernikako haritz ospe handikoa,
Mila urthe joan huntan berdin gabekoa,
Eskaldunen artean hain ohortua,
Atze herritan ere hanbat aiphatua.
2
Zure itzalera ziren arbasoak biltzen,
Han zuten beharretan biltzar idukitzen,
Han bethi segur zuten kopetan zentzua,
Bai bihotzetan ere lehoin animua.
3
Zure gerizera gaur bagatorz gu ere,
Asmu handi bat egin nahirik bai gare
Frantzian sorthu haur bat behatzen baitzaiku,
Han beharrez goraki guretzat aithortu.
4
O haur handi, haur noble zaudena jaiorik,
Napoleonen eta Guzmanen leinutik,
Zu zaitugu egiten zuhaitz hau lekhuko,
Gure herriko seme maitiena bethiko.
5
Ez dakizuke gaitzi Enperadorea,
Gure egin dezagun zure haur noblea,
Barkha ezaguzuke gure ausartzia,
Ibero alaba da zure Eugenia.
6
O zeruak igorri haur preziatua,
Zaren bethi zeruaz maitheki zaindua,
Egizkitzu erroak hain barna Frantzian
Nola gure haritzak lur hunen azpian.
7
Zure ait'amak luze zutaz bitez goza,
Frantziak zoriona zutan aurkhi beza,
Leinu luzeenaren zaren hastapena,
Zure omena munduan urrun bedi barna.
8
Kantabroek ez dute ukhatuko lana
Haritz honen azpian gaur egun,
Bai zure señoria heien bihotzetan,
Maiteki da egonen mendeen mendetan.