—1858 Urruña—
Laurier Et Chêne
Cantate allégorique sur le mariage de l'Empereur
et sur la naissance du Prince impérial
Jean Duvoisin "Gazteluberri"
Le Fénix de la paix (solo)
Haize beltza mendietan
Baratu da emerik,
Ez da gure aldapetan
Gehiago elhurrik.
Bildots maiteak, bazketan
Jauzka zaizte gogotik,
Artzaina dago gardian,
Ez da otso beldurrik.
La Renommée et la Gloire (Duo)
Bizkaitik Nafarroara
Hebrotik Arretara
Zelhai mendietan
Larrain oihanetan.
Haritzak iharrosi dira hiruretan!
Nafarroako erregen jauregi noblean,
Azantz ozen bat entzun dorreen gainean.
Harmetako salhan,
Gathea kraskaka,
Banderak zaflaka,
Panopliak dardaran.
Errazue zer berri den egun munduan.
Les Génies des Septs Provinces Basques (choeur)
Gernikako haritza,
Erronkalgo urritza,
Neguan hostatu!
Ezpel eta erramu
Gaur dira loratu!
Jauz zaizte,
Boz zaizte,
Eskaldun zaharrak,
Bota irrintzinak!
Haritzari erramu
Baitzaio xerthatu!
Le Génie de la Cantabrie (Solo)
Kartagotarrez geroz
Erromatarrez geroz,
Eskaldunak ez du
Odola ukhatu!
Ipharreko jendaiak, Agotak bentzutu,
Hegoako mairu beltzak phorroskatu,
Adurreko hegitan frantsesa baratu!
Annibalek Kanen,
Zesarrek Darsalen,
Eskara aditu
Eskaldun maithatu!
Napoleonek gutan andrea bilhatu!
Les Septs Génies (Choeur)
Gernikako haritza...
Haritzari erramu
Balinbada xerthatu,
Enperadoreak
Eta erregeak
Huni zaizko guziak begira gelditu!
Burutan dabilate gogo eta asmu,
Xertho hunetarik zer behar den gerthatu?
Gando bat da sorthu,
Ederrik altxatu,
Kantabria boztu!
Zerua da mintzatu!
Asaldutan zirenak batean gozatu!
Gernikako haritza,
Erronkalgo urritza,
Gaur dira loratu!
Ezpel eta erramu
Guzia flokatu!
Boz zaizte,
Jauz zaizte,
Frantses eskaldunak
Bai et'erdaldunak!
Haritzaren gandoa
Dezagun khoroa.
Tous les Génies réunis
Goazen beraz, goazen oro
Haren inguratzera,
Ageri daite gero,
Non jinen den oldartzera!
Altxa dezagun bandera,
Eta ezar ikhara,
Dugun kanta batean.
Biba Enperadorea!
Gure begiratzailea!
Biba gure Andrea!
Biba gure Printzea!
Biba Frantzia!
Biba Eskal herria!