—1857 Urruña—
Zure begiek egun zer duten
Bethiri Seilharux
Airea: Donostiako hirur damatxo, &
1
Zure begiek egun zer duten,
Gana, nahi nuke jakin:
Birloratuak zaizkit zabaltzen,
Lele aire on batekin.
Betri, khendurik hedoi tzar horiek burutik,
Zagozkit, othoi, ixilik.
2
Zure mothoa lazoki horla
Zerk deramaka gibelat:
Utziz kopeta bera bezala
Bilhoak hartzi kanporat.
Betri khendurik, &
3
Zaia horiek erdi lothuak,
Abian dire beheiti:
Alde batetik lurreratuak,
Alde bertzetik goregi.
Betri khendurik, &
4
Goizetik arrats bazinaudezke,
Alki horretan jarria:
Ez zagozkela uste daiteke
Errexki xutik jaikia.
Betri khendurik, &
5
Baduzu nekhe zure kiloa
Gerrian seguratzeko.
Ardatzak maiz du erorikoa,
Eztakit sobra zertako.
Betri khendurik, &
6
Goizetik hainitz baderasazu,
Tonua ere gorasko,
Egiaz, damu gaiztorik duzu
Zure mihia motelsko.
Betri khendurik, &
7
Zoko orotan badadukazu
Boteila erdi-hustua,
Gehiegitan hezatzen duzu
Argorientaz musua.
Betri khendurik &.
8
Boteila erthuts bat ediren dut
Ohe-ister gibelean,
Jaiki nahia miresten eztut
Maiz baduzu zuk gauean.
Betri khendurik, &.
9
Alki hortarik jaiki orduko
Pareta-ketan zabiltza.
Hark lagundurik atxikitzeko,
Berdintsu zure balentza.
Betri khendurik, &.
10
Emazte tzar bat hor dabilkizu,
Mezu ixilka, madrea:
Saldurik zerbait ekhartzen dautzu,
Konkuila bethe bethea.
Betri khendurik, &.
11
Urmariatuaz dohakigu
Seilharuan bihi-pila,
Armariotik suntsitzen zaiku
Metan zagoen oihala.
Betri khendurik, &.
12
Haur gaixo hoiek erdi-bilhuzi
Ihauska dabiltz athean:
Neroni nabil segur maizegi
Galtzak zilhotsu soinean.
Betri khendurik, &.
13
Othoizten zaitut Gana, minekin
Utz-azu bizio hori:
Non ez, zoriz bertze hainitzekin
Errekara gioazi.
Betri khendurik, &.