1856 Urruña
Errexinoleta kantan
Jean Martin Hiribarren "Gaztainalde"
Airea: O luce qui mortalibus
1
Errexinoleta kantan
Hari bedi itzaletan,
Hulako besta burutan
Ez da gure irritsetan.
2
Zerk habilka dili-dala,
Dorre gorako ezkila?
Uste duk ez dakigula
Elizak besta duela?
3
Ilkhi deneko iguzki,
Gizon ala emazteki,
Altxatzen dire arraiki
Oihuz badela lan aski.
4
Hirur egun osoetan
Minik gabe bihotzetan,
Nor ikusten da gortinetan
Nola gu herriko bestan?
5
Besta aro onak ditu,
Berratarrak egin txistu,
Ez ahal zaite unhatu,
Hutsik bazaite hunatu?
6
Aiztian sarthu haizena,
Bekhoz bekho hor hagona,
Azkaindar muthil lerdena,
Egitzik bi irrintzina.
7
Hor dabila xirrikitun
Haurrak ondotik, tun, tun, tun,
Balin bada nihon atun,
Bilduko zaio erosdun.
8
Aldeko xahato hori
Emok, Pello, musuari,
Horrek ziok haroari
Emanen ez duen jari.
9
Atzoko predikaria
Etzuian hain lazgarria,
Utzi zeraukuk hirria,
Garbi badu ithurria.
10
Glu glu ferekan gerritik,
Ttirok dio gorenetik,
Baduela gorriñotik,
Ur gabea errekatik.
11
Gaxik ere du athera
Kasakin loratu hura,
Egina baitu josdura
Arbasoen arabera.
12
Lili dagozko plazari
Zortzi muthil pilotari,
Hirur ehun oihulari,
Herri guzia kantari!
13
Urthe zare lehertzen,
Hirur egunez jostatzen,
Bethi besta akhabatzen,
Bertzea dela galdetzen.