Tradución: Ricardo Pichel Gotérrez
Escavadoras
(Hondeamakinak)
ruídos procedentes dunha obra
tras as xanelas pechadas da miña habitación
as escavadoras feren o terreo
despoxaron de vexetación a ladeira
traballan con afán para descubrir a rocha
terra arroibada que se amorea a cada pada
as negras unllas dos obreiros a súa suor
sobre as túas mans percorrendo a miña pel
un gran cartel a anunciar vivendas de nova construción
onde até agora non había máis ca un noiro
bloques de cemento que acollerán familias enteiras
é preciso perforar fondo óeselle ao capataz
perforar
apuntalar
perforar
os dous observamos a escena desde a xanela
os guindastres semellan as mans das nais dos obreiros
arrolando os seus fillos
a arroibada terra núa á intemperie
verterán o cemento axiña
béixasme
toda a xente precisa un teito
noventa metros cadrados sobre plano
un pouco de vida para facer habitábel un espazo
velaí a oferta
velaí as palabras que escoito
mentres a túa escavadora
perfora as miñas entrañas
© Leire Bilbao