"Euskalduna revisited"
    Edorta Jimenez


    (poemak)
    40 orrialde

Zuretzat espreski idatzi eta inprimatutako liburuak dira hauek.
amukoak bildumako liburuak doan jasoko dituzu
Susaren web guneko dendan erositako liburuekin batera.
Ondoko testua liburuko pasartea da.

 

 

Euskalduna revisited

 

Behiolako nasa eta baporak:

horditurik datza hemen denbora

eta likenez laru eta berde

bedarrentzako aho berri dira

harrien begiak.

Erreka alboan, garabiak:

iharturik eta lerden.

 

Historiak berton ditu eten

—horditurik— bere hariak:

odol-hautsetan doazen burdin-haragiak

herdoilezko gernuetan ditu itsasoak

edaten.

Behiolako baporak eta nasa,

zapatetatik hartu behar dut arnasa

 

ahoak egin dezan heiagora —nora!—

harrien begietara, argiaren

ahora,

lerden iharturik

saurioen metalezko hezurduretan

beren bakardadean gaua zaintzen duten

garabien itzaletara.

 

(Euskalduna

gure esklabu samak betirako

suz eta burdinez markatu dituzun

eraztuna)

 

 

© Edorta Jimenez

 


www.susa-literatura.eus